പൊലീസ് ആസ്ഥാന ഡിഐജി സതീഷ് ബിനോയിയോട് മെഡല് പിഴവില് അന്വേഷണം നടത്താൻ ഡിജിപി നിർദ്ദേശം നല്കി. ക്വട്ടേഷൻ നൽകിയതിലെ കാലതാമസം ഉൾപ്പെടെ അന്വേഷിക്കും. രണ്ട് വർഷം മുമ്പ് അക്ഷര തെറ്റ് വന്ന മെഡൽ ഭഗവതി ഏജൻസി നൽകിയിരുന്നു. ശ്രദ്ധയിൽപ്പെട്ടപ്പോൾ മെഡൽ മടക്കിയിരുന്നു. അന്ന് മാറ്റി വച്ച മെഡലുകൾ വീണ്ടും നൽകിയെന്നാണ് സംശയം. കഴിഞ്ഞ ഭാഷദിനത്തിൽ വിശിഷ്ട സേവനത്തിന് പൊലീസ് ഉദ്യോഗസ്ഥര്ക്ക് വിതരണം ചെയ്ത മുഖ്യമന്ത്രിയുടെ മെഡലുകളിലാണ് ഗുരുതരമായ അക്ഷര തെറ്റുകള് ഉണ്ടായിരുന്നത്. മുഖ്യമന്ത്രി, പൊലീസ് എന്നീ വാക്കുകളിലാണ് അക്ഷരത്തെറ്റുകള് ഉണ്ടായിരുന്നത്. തിരുവനന്തപുരത്ത് എസ് എ പി ഗ്രൗണ്ടില് നടന്ന ചടങ്ങില് 266 പേര്ക്കാണ് മെഡലുകള് സമ്മാനിച്ചത്.
